ബെംഗ്ലൂരു : കര്‍ണാടക സ്പീക്കറായി മംഗളുരു എംഎല്‍എയും മലയാളിയുമായ യു ടി ഖാദറെ എതിരില്ലാതെ തെരഞ്ഞെടുത്തു. മംഗളുരുവില്‍ നിന്ന് തുടര്‍ച്ചയായ അഞ്ചാം തവണയാണ് ഖാദര്‍ നിയമസഭയില്‍ എത്തുന്നത്. നേരത്തെ ഭക്ഷ്യ വകുപ്പ് മന്ത്രിയായിരുന്നു. കഴിഞ്ഞ സഭയില്‍ പ്രതിപക്ഷ ഉപനേതാവിന്‍റെ ചുമതലയും വഹിച്ചിട്ടുണ്ട്. കോണ്‍സിന്റെ കര്‍ണാടകയിലെ ന്യൂനപക്ഷ മുഖമാണ് ഖാദര്‍. കാസര്‍കോട് ഉപ്പള സ്വദേശിയായ യു ടി ഖാദറിന്റെ കുടുംബം പതിറ്റാണ്ടുകള്‍ക്ക് മുൻപ് മംഗലാപുരത്തിന് അടുത്തുള്ള ഉള്ളാളിലേക്ക് കുടിയേറിയതാണ്.
