റാഡിക്കൽ ആക്ടിവിസ്റ്റും ഖാലിസ്ഥാൻ അനുഭാവിയുമായ അമൃതപാൽ സിങ്ങിന്റെ അനുയായികളാണ് സംഭവത്തിന് പിന്നിലെന്നാണ് സൂചന . കഴിഞ്ഞ ഞായറാഴ്ച ലണ്ടനിലെ ഇന്ത്യൻ ഹൈക്കമ്മീഷനിൽ പ്രതിഷേധം നടത്തിയതിന് പിന്നാലെയാണിത്. വൈകുന്നേരം 6.30 ന്, “ ആയുധങ്ങളുമായി” ഒരു സംഘം ആളുകൾ തന്റെ റെസ്റ്റോറന്റിലേക്ക് വരികയും ഗ്ലാസ് വാതിലുകളിൽ ഇടിക്കുകയും പഞ്ചാബി ഭാഷയിൽ ചീത്തവിളിക്കുകയും ചെയ്തതായി റെസ്റ്റോറന്റ് ഉടമ 52 കാരനായ ഹർമൻ സിംഗ് കപൂർ പറഞ്ഞു, ലണ്ടനിലെ ഹാമർസ്മിത്ത് ഏരിയയിലെ കപൂറിന്റെ ഇന്ത്യൻ റസ്‌റ്റോറന്റിന് ഒരു പതിറ്റാണ്ട് പഴക്കമുണ്ട്.
വീഡിയോ ഹോസ്റ്റിംഗ് പ്ലാറ്റ്‌ഫോമായ ടിക് ടോക്കിൽ പോസ്റ്റ് ചെയ്ത ആക്രമണത്തിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്. അതിൽ, ഒരു കൂട്ടം പുരുഷന്മാരെ കറുത്ത വസ്ത്രം ധരിച്ച് റസ്റ്റോറന്റിന്റെ വാതിലുകളിൽ മുട്ടുന്നത് കാണാം. പോലീസിനെ വിളിക്കാൻ സിംഗ് ഭാര്യയോട് പറയുന്നത് കേൾക്കുന്നു. ഇന്ത്യൻ ഹൈക്കമ്മീഷൻ വളപ്പിൽ പ്രകടനക്കാർ ഇന്ത്യൻ പതാക വലിച്ചെറിഞ്ഞ സംഭവം ഇന്ത്യയും യുകെയും തമ്മിലുള്ള നയതന്ത്ര തർക്കത്തിന് കാരണമായിരുന്നു, പ്രതിഷേധവുമായി ബന്ധപ്പെട്ട് വെള്ളിയാഴ്ച ദില്ലി പോലീസ് ഒരു കേസ് രജിസ്റ്റർ ചെയ്തിട്ടുണ്ട്
